काहितरी लिहायचं म्हणुन..

Written by  on June 16, 2009

कांही कार्यालयीन कामा साठी काल नागपुरला आलो. सकाळच्या फ्लाइटने नागपुरला विमान उतरताना बाहेरचे तापमान ३२ डिग्रीज सेल्सियस आहे म्हणून सांगितलं तेंव्हाच छातीमध्ये धस्स झालं. म्हंटलं, सकाळचे ८-१५ झालेत आणि आत्ताच ३२ म्हणजे दुपारी  काय पुढे वाढून ठेवले आहे ते कोणास ठाऊक.

तसा मी नागपुरला पूर्वी राहिलो आहे. सगळं लहानपण इथेच गेलं पण आता मात्र जास्त कोरडं उन्हं   सहन होत नाही. दुपारी बाहेर फिरावं लागलं. एका डिलर कडे बसलो होतो, तो सांगत होता ,की कालचे टेम्परेचर ४६ होतं.ऐकूनच एकदम काटा आला अंगावर. नागपूरचा उन्हाळा म्हणजे दिवसा ४५-४६ तापमान आणि रात्री १० वाजे पर्यंत  गरम हवा. सुर्यास्ता नंतर पण कमीत कमी ४ तास गरम वारे सुरु असतात.

कांही वर्षांपूर्वी मी ह्याच टेम्परेचरला अगदी भर दुपारी बाइक घेउन फिरत असे. दुपारी बाहेर निघतांना एक पांढरा पंचा फोल्ड करुन डोक्याला मुंडासं बांधून बाहेर निघायचो, त्या मधे एक कांदा ठेवण्याची पण पद्धत आहे इथे. कांही  लोकं कांदा फोडून पण ठेवतात डोक्यावर.पण काल मात्र अगदी जिवावर आलं बाहेर फिरणं.  कारण तो पंचा नव्हता बांधायला डोक्याला. खिशातला रुमाल काढून कान बांधले. एखादा भुट्टा जसा शेगडीवर शेकावा, तसा शेकला जात होतो.

पूर्वी ह्याच उन्हात बाइक वर किती फिरायचो ते आठवलं. फुल स्लिव्ह शर्ट घालायचॊ पुर्वी त्यामुळे शर्टच्या बाहेर रहाणारा हाताचा भाग म्हणजे पंजाचा मागचा भाग टॅनिंग मुळॆ काळा हौऊन गेला होता तेंव्हा.

उन्हाळा अहमदाबादला पण आहे , पण फक्त रात्री लवकर गार होतं. मी लहान असतांना, घरासमोरच्या अंगणात संध्याकाळी पाणी शिंपडून तिथे तारे आणी चांदण्या मोजत पडून रहायला मजा यायची.  डोक्याशी विविध भारती सुरु असायचा ट्रान्झिस्टर वर.. मराठी आपली आवड लागायची बुधवारी.

एका मित्रा कडे गेलो होतो दुपारी . सहज बोलता बोलता उन्हाबद्दल तक्रार केली तर , तो आधी हासला आणि म्हणतो, कांही फार नाही हे उन्हं.. जसं मुंबई च्या गर्दीचा त्रास फक्त मुंबईत न रहाणाऱ्या लोकांना होतो, तसाच, नागपुरच्या उन्हाचा त्रास इथे न रहाणाऱ्या लोकांनाच होतो… (पुलंचा भक्त आहे ? आलं की नाही  लक्षात??)

230420091339आजचा दिवस तसा दिवस भर नुसता फिरण्यात गेला. काय करणार? तसंही जी सुमो होती तिचा एसी बंद पडलेला होता. तेंव्हा खिशातला रुमाल काढला आ्णि कानाला बांधला, म्हंटलं तेवढाच आराम. दिवस भर वेळ मिळेल तेंव्हा कोल्ड ड्रिंक्स , पाणी पीत होतो. दुपारी मात्र सेमिनरी हिल्स वरुन दुरदर्शनच्या ऑफिस मधून परत येतांना नाकातून थोडं रक्त आल्यासारखं वाटलं. दिवस भर  न जेवता काढला तर सनस्ट्रोक होण्याचे चान्सेस अगदी शंभर टक्के. ! म्हणून अभयला म्हंटलं , आपण आधी स्टेटस ला जाउ , तर म्हणे स्टेटस कधीच बंद झालंय त्या ऐवजी त्याच ठिकाणी राजधानी सुरु झालंय ! म्हंटलं ठिक आहे. आणि जेवायला गेलो.

या हॉटेल मधे गेल्याबरोबर एक मुलगा तुमच्या समोर एक तशतरी आणतो आणि एका सुरई ने हातावर पाणी घालुन हात धुवायला सांगतो. आता बेसिनवर गेल्याशिवाय स्वच्छ वाटतच नाही. तरी पण समोर हात केले.एखाद्या क्डून इतकी सेवा करुन घेतांना मात्र कसं तरीच होतं. लखनौ ला कांही ठिकाणी कांही नबाब लोकं असेच नोकर ठेवतात पिंक दाणी सांभाळायला. अगदी तिचीच आठवण झाली.

थाळी नेहेमी प्रमाणेच ८-१० वाट्या २ फरसाण वगैरे वगैरे.. फक्त चव मात्र गुज्जु नव्हती. अर्धी पंजाबी, थोडी मराठी , थोडी गुज्जू..230420091341

उन्हाळा म्हट्लं की जेवण पण जास्त जात नाही . दिवसभरात आत्तापर्यंत ८-१० ग्लास पाणी+थंड पेय वगैरे झालेले होते. त्या मुळे पोट कसं डब्ब झाल्यासारखं वाटत होतं. तरी पण नाकातून आलेलं थोडं रक्त सांगत होतं – की जेऊन घे .. काही तरी खा! आधी त्या पोराने आणून ठेवलेल्या पन्ह्याचा ग्लास संपवला आणि त्या पोराला सांगितलं , इथेच थांब… आणि ४ ग्लास पन्हं प्यायल्यावर बरं वाटलं.मस्त पैकी ए सी सुरु होता.तो गार वारा खाताना बरं वाटलं.

नागपुरला मी येणार म्हंटलं की आईची तयारी सुरु होते. माझे आई  वडील नागपुरला रहातात. त्यांना मुंबईला शिफ्ट करायचं नाही. त्यांना मुंबईला करमत नाही.  नागपुरला खूप ओळखी आहेत , जुने मित्र आहेत, आणि सर्वात महत्वाचे म्हणजे वडील अजूनही ८२ वर्ष वयातही अतिशय ऍक्टीव्ह आहेत.रोज कमीत कमी ८ किमी पायी फिरतात सकाळी ३ किमी संध्याकाळी ५ किमी. त्यांच्या समाजसेवेत त्यांचा वेळ छान जातो.अधूनमधून मुंबईला येऊन जातात. जास्तीत जास्त एक महिना रहातात मुंबईला आले की.

असो.. तर आईला कळलं की मी येणार आहे तर, तयारी सुरु होते आईची. मला आवडतो म्हणून कांद्याचे काप वाळवून आणि लालसर तळून घातलेला चिवडा,आणि हाताने केलेल्या शेवया मुलींसाठी आजीच्या हातची पुडचटणी ( 220420091331उडिद, चणा वगरे डाळींची आंबट गोड चटणी) म्हणजे विक पॉइंट  , सौ. करता सत्तुचं पिठ , पापड्या, कुरडया वगैरे सगळं करुन ठेवते.याच्याच सोबत फणसाचं आणि हळदीचं लोणचं होतंच.. तिचं पण आता वय ७५-७६ ! तिला म्हणतो, अगं इतकं काही करायची गरज नाही पण ऐकत नाही. घरी आलो तर सुपामधे ज्वारिचे पापड वाळत ठेवलेले दिसले. आणि ताटामधे वाळलेल्या गव्हाच्या चिकाच्या कुर्डया ( मला लहानपणी तो चिक खायला आवडायचा 🙂 अजूनही आवडतो. गॅस शेजारिच चिक शिजवलेलं भांडं दिसत होतं, हळूच थोडाचा तो चिक तोंडात टाकला,–अरे हात धुतले नाहीस नां?? आधी हात धू मग खा तुला हवं ते.. मला पुन्हा एकदा लहान झाल्यासारखं वाटलं. . :)साबुदाण्याच्या अर्धवट वाळलेल्या पापड्या, पापडाच्या लाट्या खाण्यातली मजा आता मिस करतो. कितीही नाही म्हंट्लं तरीही   ४८ वय झालंय हे विसरता येत नाही. आपल्या इथे प्रत्येकाने वया-प्रमाणेच वागले पाहिजे अशी अपेक्षा असते.

नागपुरहून परत आलो की मुली पण पहिले पापड कुरडया मायक्रोवेव्ह मधे गरम करुन खाणार.. ( तेल न खाण्याचं फॅड आहे ना.. म्हणून..

मला जर एखाद्या वेळेस लालिपॉप हातामधे दांडी धरुन खावासा वाटला तर त्यात कांही विशेष आहे असे मला तरी वाटत नाही. दुकानदार मी घेइ पर्यंत कांही प्रतिक्रिया देत नाही. पण जेंव्हा रॅपर उघडून मी तो गोळा तोंडात ठेवतॊ अन त्याच्याकडे किती पैसे झाले अशा प्रश्नार्थक नजरेने पहातो, तेंव्हा त्याचा चेहेरा अगदी पहाण्यासारखा होतो..

इथून परत जातांना माझ्या बॅगेत नुसता खजिना असतो खाऊ चा. बेसन लाडू , चिवडा , चकली ते वर लिहिलेले सगळे पदार्थ दाटीवाटीने माझ्या बॅगेत गुण्यागोविंदाने नांदतात. घरी जाई पर्यंत जर कुरडया तुटतात, पापडांचा चुरा होतो. पण पोहोचतो. नागपुरला   चिन्नोर चा तांदुळ चांगला मिळतो. मागल्या वेळेस आईने व्यवस्थित पिशवीत घालुन आणि पिशवीचे तोंड शिवून टाकले होते. सिक्युरिटी मधे , मात्र त्या भैय्या ने खूप त्रास दिला. म्हणे खोलके दिखाओ. अरे म्हंट्लं चावल है इसमे, और तुमने स्क्रिनिंग तो किया है ना फिर क्युं खोलनेको बोल रहे हो? पण ऐकायलाच तयार नव्हता म्हणुन पुन्हा काउंटरवर जाउन चेक इन बॅगेज मधे टाकली ती पिशवी.

एक पिशवी घोळ भाजी ची हमखास असतेच. मंबई ला घॊळ भाजी मिळत नाही. आणि आम्हाला ती भाजी खुप आवडते म्हणून घोळ आणि आंबटचुका ( पालकासारखी आंबट भाजी असते ती ) पण घेउन जातो. भटई म्हणून इथे थोडी कडसर चव असलेली उन्हाळी वांगी मिळतात ती पण बिच्चारी बॅगेतल्या एका कोपऱ्यात निवांत पडुन असतात.तशीच एक चिवळीची भाजी मिळायची इथे . हल्ली मुंबईला पण कधी तरी दिसते. विदर्भात लहान मुलाला उन्हाळ्यात त्या चिवळीच्या भाजीवर एक नरम कपडा घालून झोपवायची पद्धत अजूनही काही घरात आहे. ही भाजी थंड असते असं म्हणतात.  तर काय, ती पण भाजी मी जातांना नेतो. आई म्हणाली , अजुन मिळत नाही  इथे..

कांही गोष्टी ज्या लहानपणा पासुन खाल्लेल्या असतात त्यांना आपण मोठेपणी खुप मिस करतो. मुली म्हणतात, बाबा, तुम्ही भाज्या पण आणता? इतकं काय विशेष आहे त्या भाज्यांमधे? काय सांगणार आपण तरी ??नागपुरचा उन्हाळा म्हटला की संत्री आलीच. पण ह्या वर्षी संत्र्यांची आवक कांही फार नाही त्यामुळे संत्री घेउन जाता येणार नाही.

एकदा चिन्नोर तांदुळाची ५ किलोची पिशवी बनवली होती आईने, पण विमानतळावर सिक्युरिटी मधे एक बाई होती तिने आत हात घालुन तांदुळात काही लपवले आहे कां ते चेक केले.. घरी आल्यावर जेंव्हा बायकोला सांगितलं, तर  ती म्हणाली, पुढच्या वेळी एक ताट पण घेउन जा, आणि तिला सांगा यातले पांढरे खडे निवडुन दे म्हणून……

आपण कितीही मोठं झालॊ तरीही आई वडिलांना बघितलं की आपण अजुनही लहानच आहोत असं वाटतं.म्हणून नागपुरला मी एकटा आलॊ की खुप खुश असतो.. पुन्हा लहान होता येतं ना म्हणुन… 🙂

रंगात रंगलेलं…..

Written by  on June 15, 2009

दिनांक ११ नोव्हेंबर. सकाळपासुनच टिव्ही वर बातम्या सुरु होत्या. की आज म्हणे वादळ   येणार . गोव्याला –  जायचं होतं. सकाळपासुन टिव्ही ला चिकटुन बसलो होतो.सारख्या बातम्या पहात होतो.गोव्याला जायचं होतं. विमानतळावर फोन करुन पाहिला  तर कळलं की सगळ्या फ्लाईट्स लेट आहेत.सकाळची पहिली फ्लाइट गोव्याला लॅंड न करु शकल्यामुळे परत मुंबईला आली आहे. त्या नंतर एकही विमान गोव्याला गेलेले नाही.जाम वैतागलो. … काय करावं? मिटींग महत्वाची होती, म्हणुन कांहीही होवो , जाणं भाग होतं.

एक मित्र पण यायचा होता बरोबर, म्हणुन त्याला फोन केला आणि सरळ एअरपोर्ट ला पोहोचलो.आम्हाला चेक इन करुन विमानात नेउन बसवुन ठेवलं होतं.  चेक इन केल्यावर पण दिड तास टेक ऑफ घेतला नव्हता.

Cloudsनंतर कॅप्टनने अनाउन्स केलं की वादळ पार झालंय, आणि गुजराथ कडे गेलंय आणि एकदाचं गोव्याला निघालो आम्ही. ही आयुष्यातली  पहिली वेळ होती विमानात बसल्यावर भिती वाटण्याची. सारखं वाटंत होतं की कॅन्सल केलं असतं तर बरं झालं असतं 😦  . वातावरण इतकं ढगाळ होतं की त्यामुळे एअर पॉकेट्स निर्माण होऊन आकाश पाळण्यातल्या सारखं वाटत होतं..वाईट वातावरण असलं की थोडे गचके बसतात.. पण त्या दिवशी मात्र अक्षरशः बैलगाडीत बसुन प्रवास करतोय असं वाटंत होतं.

Pictures5गोवा म्हंट्लं की लोकांना ( स्पेशिअली ऑफिसमधल्या समिष खाणाऱ्या आणि पिणाऱ्या ) काजु -बाटलितला- आणि पाकिटातला आठवतो. ऑफिस मधे पण गोव्याला टुर ला जातोय म्हंट्लं की लोकांच्या चेहेऱ्यावर एक वेगळाच भाव असतो , ऑफिस मधे. आता मस्त पैकी काजु खाउन पिउन या.. मासे खाउन या.. !अशा शुभेच्छा ( थोड्या जळक्या पण ) ऐकायला मिळतात.

 

जे मासे खाणारे आहेत ते तर नेहेमीच अरे गोव्याला अशोका मधे जा रे मडगांवला, किंवा शारदाश्रम चुकवु नकोस वास्को चं.. असे बहुमोल सल्ले पण देतात.काजु अर्थात मला खुप आवडतो, पण कोलेस्ट्रॉल वाढु नये म्हणुन जरा कमीच खातो.

बाटलीतली काजू .. म्हणजे फेणी मला अजीबात आवडत नाही. एक तर त्याला तुम्ही कांहीही म्हंटलं तरी ती देशी दारु. घेतांना पण पायनॅपल जुस, ऑरेंज जुस, किंवा कोल्ड ड्रिंक बरोबर घ्यायची, म्हणजे वास वगैरे कमी होतो. पण जर कधी चुकुन घेतलीच, तर दुसऱ्या दिवशी घामाला पण तो एक दारुचा वेगळाच दर्प येतो. आय ऍम नॉट द फेणी पर्सन..

पण खरी परिस्थिती अशी असते की कामा व्यतिरिक्त दिवस भरात अजिबात वेळ मिळत नाही. अगदी सकाळी एक तास स्वतः साठी मिळतो.. तो प्रभात फेरी करिता वपरतो. रात्रीच्या वेळेस मात्र थोडा वेळ मिळतो. गोव्याला गेलो की कोलवा बीच वरचं हॉटेल ग्रॅसिऍनो कॉटेजेस आहे तिथेच उतरतो. त्यामुळे रात्री कोलव्याच्या शेर ए पंजाब  मधे जाउन एखादा दिड आर सी + तंदुरी चिकन ( मस्तं असतं इथलं. आणि सध्या डायटवर असल्याने फक्त तंदुरी चिकन आणि फिश चालते. सध्या तंदुरी किंग फिश आहे ८०० रुपयांना ) हादडलं, की दिवस संपतो..

Flags out side goa airportप्रवास वर्णन हे ज्याने प्रवास केलाय त्याच्या व्यतिरिक्त इतरांना खुप कंटाळवाणं होतं. पुलंची एक गोष्ट ऐकली होती.. त्यात दिलं होतं की लोकं प्रवास करुन येतात, आणि मग कोणी भेटला तर त्याला अगदी जवळ बसवुन ते फोटो दाखवुन कंटाळा येई पर्यंत माहिती सांगुन बोअर करतात. हे वाक्य इतकं पक्कं बसलंय मनात की मी प्रवास वर्णन कधिच लिहायचं नाही हे ठरवुन टाकलं. आणि आज पर्यंत तरी आपल्या निश्चया प्रमाणे लिहिलेलं नाही-पण पुढे लिहिणार नाही असंही नाही. ( पुलं नी तो लेख लिहिला होता, पण प्रवास वर्णनं पण लिहिली आहेत ..  🙂 )

आजचं पोस्ट हे पण प्रवास वर्णन नाही. मी वर जे लिहिलंय कि गोवा म्हंटलं की लोकांना काय आठवते ते.. माझं पोस्ट आहे गोवा म्हणजे माझ्या दृष्टीने काय आहे ते.. गेल्या कित्तेक वर्षात शेकडो वेळा गोव्याला आलो असेल. एक कलरफुल व्हायब्रंट शहर म्हणुन गोवा माझ्या मनात पक्कं बसलंय. इथले लोकं , इथले टुरिस्ट …सगळे कसे निरनिराळ्या रंगात रंगलेले दिसतात.

आता परदेशी टुरिस्ट चा विषय निघाला म्हणुन सांगतो. परवा कारवारहुन परत निघायला रात्रंच झाली. जवळपास ८ वाजले होते. रस्त्यावर दोन परदेशी तरुणी उभ्या होत्या- लिफ्ट मागंत. ड्रायव्हरला म्हंटलं, अरे थांबव .. इथे त्यांना रात्री काय साधन मिळणार? तर ड्रायव्हर म्हणाला, की या मुली रशियन टुरिस्ट व्हिसा खाली इथे येतात आणि देहविक्रयाचा धंदा करतात. मी क्षणभर आवाक झालॊ ऐकुन… कुठल्याही ऍंगलने त्या मुली तशा वाटंत नव्हत्या. ड्रायव्हर म्हणाला.. साब रातको फ्लाईट आता है रशियासे आनेवाला.. आनेके बाद इनको छोडने जाओ , तो बोलती है .. जो चाहिये कर लो. पैसा नहीं है…. !! काही गोष्टींवर विश्वास ठेवणं किती कठीण आहे नाही?? कलंगुट बीच पासुन २० किमी वर असलेल्या एका बीच जवळच्या हॉटेल्स वर या मुली रहातात. बऱ्याच लोकांनी तर तिथे घरं घेउन ठेवली आहेत भाड्याने.. असो… विषयांतर झालंय.. तो एक वेगळा विषय आहे…मुद्दाम त्य बीच चं नांव दिलेलं नाही इथे.. !

Statueगोव्याला गेल्यावर एक गोष्ट लक्षात येते, ती म्हणजे इथल्या लोकांना रंगाचं असलेलं वेड. काय खरं वाटत नाही?  विमानातुन बाहेर आल्यावर एअर्पोर्टलाच काही गोवनीज लोकांचे पुतळे लावलेले आहेत ते बघा.. सगळ्यात मस्त म्हणजे स्मोकिंग रुम ( हो गोवा एअरपोर्टला स्मोकिंग रुम आहे, आणि बाहेर स्मोकिंग केल्यास शिक्षा पण होऊ शकते. ) जवळचा तो एक हुक्का पीणारा… मस्त आहे एकदम.. इथे पोस्ट करतोय बघा….

Colourful houseगोव्याला आलो की सगळी कडे हिरवळ .. तांदुळाची शेतं, आणि नारळाची झाडं. अधुन मधुन बॅक वॉटर.. प्रत्येक गोष्टीचा आपला स्वतःचा एक निराळाच रंग आहे. बरं हे रंग कमी आहेत म्हणुन गोव्याचे लोकं गोव्या मधे आणखिन जास्त रंग भरतात, आणि ते पण असे की “रंगात रंगुनी रंग माझा वेगळा” असे..  अख्ख्या भारतात पहायला मिळणार नाहीत अशा रंगात घरं रंगवलेली दिसतिल गोव्याला.
Pictures4
बरं हे रंग इथल्या गोव्याच्या स्वतःच्या रंगाशी इतके बेमालुम पणे मिसळून जातात, की ते गोव्याचा अविभाज्य अंग आहे असे वाटते. असं कुठेही वाटत नाही की हे घर ऑड मॅन आउट आहे म्हणुन.इथे कारवार च्या रस्त्यावर जातांना एक घर चक्क काळ्यारंगात रंगवलेलं दिसलं. त्याचा पण फोटो काढला होता, पण तेंव्हा कार चालत होती म्हणुन तो बिघडला.
Pictures3
नजरेला बोचणारा भडक गुलाबी रंग पण इथे घराला दिलेला दिसतो, पण याचं आश्चर्य वाटत की गोव्याला तोच रंग अजिबात बोचत नाही नजरेला.. उलट एक वेगळंच सुख देउन जातो.  पिवळा जर्द रंग असलेली घरं, इथेच दिसतिल , इथे घर कुठल्याही रंगाचं असो, त्याला एक दुसरा रंग कॉंबिनेशनमधे वापरलेला दिसेल. पिवळ्या बरोबर पांढरा तर अगदी कॉमन आहे. एखादा शॉकिंग पर्पल किंवा फ्लुरोसंट हिरवा पण घराला लावलेला दिसेल.

कांही जुनी पोर्तुगिझ घरं असे रंग ल्यायल्यावर नजरेला पर्वणी असते… या संपुर्ण पोस्ट मधे तुम्हाला माझ्या नजरेतुन गोवा दाखवतोय.. बरेच फोटो आहेत, पण जरा वेगळं पोस्ट म्हणुन जरा जास्त फोटॊ पोस्ट करतोय..आता पुढल्या वेळेस गोव्याला गेलात की ही रंगांची उधळण जरुर अनुभवा…

#100 Happy Days

Written by  on June 4, 2009

Capture आज हा इंग्रजी मधला हॅश टॅग वाचून कदाचित  आश्चर्य वाटेल. पण  परवा फेसबुक वर हाच हॅश टॅग पाहिला आणि मनात प्रश्न उभा राहिला की खरंच आपण सलग १०० दिवस  आनंदी राहू शकतो का?

कठीण प्रश्न आहे. रोजच्या धकाधकीच्या जीवनात रोज फक्त आपल्याला फक्त  टेन्शन आठवतं, आणि आपल्या जीवनात घडणाऱ्या चांगल्या  घडणाऱ्या घटना आपण अगदी  सहजपणे विसरून जातो, किंवा त्यांच्याकडे  दुर्लक्ष करतो.  आपल्या दुःखाच्या कोषात आपण स्वतःला इतके गुरफटवून घेतले असते की  बरेचदा काही चांगल्या घटनांकडे  आपले लक्षही जात नाही, आणि त्यामुळेच हे दररोज १०० दिवस सलग आनंदी रहाणे पण एक चॅलेंज पेक्षा कमी नाही.

हे आयुष्य खरंच   का इतकं  वाईट आहे  की सलग १०० दिवस आपल्या जीवनात   किमान  एक आनंददायी घटना पण घडु नये-  अर्थात नाही. आपली दृष्टी तशी आपल्यालाच तयार करावी लागेल, आणि जिवनात  घटनांकडे  पहाण्याचा पॉझिटीव्ह दृष्टीकोन तयार करावा लागेल, म्हणजे लहान लहान गोष्टीतून मिळणारा आनंदही आपल्या लक्षात येईल. कदाचित तो शॉर्ट टर्म असेल किंवा लॉंग टर्म, पण फक्त तुम्हाला तो  क्षण जगतांना आनंद झाला की नाही?

ही पोस्ट आज सुरु करतोय, पण पुढचे १०० दिवस दररोज #100happydays    इथे  अपडेट करणार आहे. मधल्या काळात इतरही पोस्ट लिहीणार आहेच, पण तरीही ह्या पोस्टवर येऊन पुन्हा दररोज अपडेट करणारच..बघु या हे चॅलेंज मी जिंकू शकतो की नाही ते.

आणि हो, तुमच्या पैकी कोणी हे चॅलेंज घेण्यास तयार आहे? इथे कॉमेंट्स मधे लिहू शकता..

तर आजचा पहिला दिवस:-

१) आठवड्याच्या ऑफिशीअल टूर वरून घरी परत येणे, आणि बायको , मुलींना   पहाणे. #100happydays Day 1

२)Happiness is waiving off your daughter from balcony, going to her office on her birthday.#100happydays ^(http://rangmarathiche.com/goto/https://www.facebook.com/hashtag/100happydays) Day 2

३)Happiness is समोरच्या झाडावरच्या कोकिळेच्या कुहू कुहू च्या वेक अप कॉल ने आज सकाळी आलेली जाग.#100happydays ^(http://rangmarathiche.com/goto/https://www.facebook.com/hashtag/100happydays) Day 3

४)Happiness is रविवारी सकाळी बायकोच्या नकळत (डायटिंग ची काळजी न करता)फ्रिझ मधे शिल्लक असलेला वाढदिवसाचा केक बेडरुम मध्ये लपून खाणे. #100happydays ^(http://rangmarathiche.com/goto/https://www.facebook.com/hashtag/100happydays)

५)Happiness is-इंदौर ला पोहोचल्यावर गेस्ट हाउस मध्ये ब्रेक फास्ट ला युज्क्वल ब्रेड ,कॉर्नफ्लेक्स ऐवजी इन्दौरी पोहे आणि जिलबी.#100happydays ^(http://rangmarathiche.com/goto/https://www.facebook.com/hashtag/100happydays)

६)Hapiness is :- Meeting old friend after many many years.. #100happydays  ^(http://rangmarathiche.com/goto/https://www.facebook.com/hashtag/100happydays) with Rtn Rajeev Saxena ^(http://rangmarathiche.com/goto/https://www.facebook.com/rajeev2266).

७)Happiness is :- टूर वर असताना बायकोचा जेवायाच्या वेळेस येणारा फोन,
— जेवण झाले की नाही?वेळेवर जेवून घ्या … #100happydays ^(http://rangmarathiche.com/goto/https://www.facebook.com/hashtag/100happydays)

८)Happiness is -window Seat in train… #100happydays ^(http://rangmarathiche.com/goto/https://www.facebook.com/hashtag/100happydays)

९)Happiness is- beautiful girl seating besides you watching what you type on your phone.#100happydays ^(http://rangmarathiche.com/goto/https://www.facebook.com/hashtag/100happydays)   lolz.

१०)happiness is -प्रवासाचा वेळ,माझा स्वतः चा वेळ, #100Happydays ^(http://rangmarathiche.com/goto/https://www.facebook.com/hashtag/100happydays)

११)Happiness is -रत्नाग्रीहून आणलेल्या आम्ब्यान्च्या पेटितले शेवट च्या 4आम्ब्यान्पैकी 2 आंबे पिकलेले सापडणे..#100happydays ^(http://rangmarathiche.com/goto/https://www.facebook.com/hashtag/100happydays)

१२)Happiness is – सकाळी उठून offiice ला जाण्यासाठी तयार झाल्यावर,एकदम लक्षात येणे की ” अरे! आज तर रविवार! #100happydaysDay ^(http://rangmarathiche.com/goto/https://www.facebook.com/hashtag/100happydaysday)

१३)Happiness is :- Burning some rubber after 3 weeks #100happydays ^(http://rangmarathiche.com/goto/https://www.facebook.com/hashtag/100happydays)   बुलेट वर लॉंग ड्राइव्ह.

१४)Happiness is – To realise that we have got much more than what what we actualy considered.#100happydays ^(http://rangmarathiche.com/goto/https://www.facebook.com/hashtag/100happydays)

१५)Happiness is -making up with your spouse after 3days अबोला.#100happydays ^(http://rangmarathiche.com/goto/https://www.facebook.com/hashtag/100happydays)

१६)Happiness is – सकाळी उठून offiice ला जाण्यासाठी तयार झाल्यावर,एकदम लक्षात येणे की ” अरे! आज तर रविवार! #100happydaysDay ^(http://rangmarathiche.com/goto/https://www.facebook.com/hashtag/100happydaysday)

१७)Happiness is-ऑफिस मधे लाईट गेले आणि जनरेटर फेल झाला म्हणुन सुटी. Yo!#100happydays ^(http://rangmarathiche.com/goto/https://www.facebook.com/hashtag/100happydays)

१८)Happiness is :- Counting down the time to reach Home #1000happydays ^(http://rangmarathiche.com/goto/https://www.facebook.com/hashtag/1000happydays)

१९)Happiness is:-The smell of news paper (before any one at home captures the news paper)with a cup of tea in the morning hours #100happydays ^(http://rangmarathiche.com/goto/https://www.facebook.com/hashtag/100happydays)

२०)This is the real happiness…….अख्खं ” होल” पापलेट आणि चिकन करी.

२१)Happiness is :-Being with family on sea shore in the morning before sunrise.#100happydays ^(http://rangmarathiche.com/goto/https://www.facebook.com/hashtag/100happydays)

२२)Happiness is :- Taking full control of kitchen for preparing breakfast#100happydays ^(http://rangmarathiche.com/goto/https://www.facebook.com/hashtag/100happydays)

२३)Happiness is :- Aimless loitering in the shopping mall with daughter…#100happydays ^(http://rangmarathiche.com/goto/https://www.facebook.com/hashtag/100happydays)

२४)Happiness is :- पुस्तक वाचताना सापडलेल्या एका सुकलेल्या सोन चाफ्याच्या फूलाचा वास….कदाचित कधी तरी बुक मार्क म्हणुन वापरले गेले असावे #100happydays ^(http://rangmarathiche.com/goto/https://www.facebook.com/hashtag/100happydays)

२५)Happiness is :- आपल्या खूप खूप आवडीचे गाणे अनपेक्षित पणे रेडिओ वर लागणे.#100happydays ^(http://rangmarathiche.com/goto/https://www.facebook.com/hashtag/100happydays)

२६)Happiness is :- एकटे असतांना एकाएकी आई वडीलांची आठवण येणे आणि त्यांचा तो आश्वासक हसरा चेहेरा नजरेसमोर उभा रहाणे,, की सगळं काही ठिक होईल. काळजी करू नकोस असे नजरेत भाव असलेला.. .#100happydays ^(http://rangmarathiche.com/goto/https://www.facebook.com/hashtag/100happydays)

२७)Happiness is :- To know that some one beloved has recovered and is out of danger #100happydays ^(http://rangmarathiche.com/goto/https://www.facebook.com/hashtag/100happydays)

२८)Happiness is :- कोणीतरी कलिग आपल्या चुकीवर पांघरूण घालतोय हे लक्षात येणे…#100happydays ^(http://rangmarathiche.com/goto/https://www.facebook.com/hashtag/100happydays)

२९)Happiness is :- To realise that the life is like chess, King is allowed to move only one place,where as the Queen can move in any direction she desires…… However, “The Queen always saves the King” in difficult situations– LOLzz #100Happydays ^(http://rangmarathiche.com/goto/https://www.facebook.com/hashtag/100happydays)

३०)Happiness is :- नमो चा शपथविधी याची देही ,याची डोळ्याने अनुभवणे#100happydays ^(http://rangmarathiche.com/goto/https://www.facebook.com/hashtag/100happydays)

३१)Happiness is :- To get invitation for the Lunch, on account of some one’s marriage anniversary , when you have forgotten to carry your lunch box#100happydays ^(http://rangmarathiche.com/goto/https://www.facebook.com/hashtag/100happydays)

३२)Happiness is :- Treating your spouse as friend while taking any important decision. #100happydays ^(http://rangmarathiche.com/goto/https://www.facebook.com/hashtag/100happydays)

३३)Happiness is :-शनिवारचा उपवास… साबूदाणा खिचड़ी,उपवासाचे थालीपीठ की आंब्याचा रस आणि राजगिरा पूरी….???
#100happydays ^(http://rangmarathiche.com/goto/https://www.facebook.com/hashtag/100happydays)

३४)Happiness is:- Being with sister on vacation #100happyday ^(http://rangmarathiche.com/goto/https://www.facebook.com/hashtag/100happydays)

३५)Happiness is :-caring for someone #100happydays ^(http://rangmarathiche.com/goto/https://www.facebook.com/hashtag/100happydays)

३६)Happiness is :- उद्याचा दिवस नक्की काही तरी चांगली बातमी घेऊन येईल हा विश्वास!!#100happydays ^(http://rangmarathiche.com/goto/https://www.facebook.com/hashtag/100happydays)

३७)Happiness is :- Intentionally annoying your spouse #100happydays ^(http://rangmarathiche.com/goto/https://www.facebook.com/hashtag/100happydays)

३८)Happiness is:-scratching the itch whn no one is watching. #100happydays ^(http://rangmarathiche.com/goto/https://www.facebook.com/hashtag/100happydays)

३९)Happiness is :-Sitting in office and secretly watching bourne ultimatum on laptop #100happydays ^(http://rangmarathiche.com/goto/https://www.facebook.com/hashtag/100happydays)

४०)Happiness is :- restarting morning walk after a gap of 4months#100happydays ^(http://rangmarathiche.com/goto/https://www.facebook.com/hashtag/100happydays)

४१)Happiness is :- Laughing, Because you Remembe the fun you had last night with your friends- #100Happydays ^(http://rangmarathiche.com/goto/https://www.facebook.com/hashtag/100happydays)

४२) Happiness is:- finding the misplaced photo album – which was lost for last 15 years #100hapydays ^(http://rangmarathiche.com/goto/https://www.facebook.com/hashtag/100hapydays)

४३)Happineas is :- Meeting fb friend in person Shri Maharaj ^(http://rangmarathiche.com/goto/https://www.facebook.com/shri.maharaj.5) #100happydays ^(http://rangmarathiche.com/goto/https://www.facebook.com/hashtag/100happydays)

४४)Happiness is :- gossiping with mom  #100happydaus ^(http://rangmarathiche.com/goto/https://www.facebook.com/hashtag/100happydaus)

४५)Happinesa is:- Feeling that the life should go in “pause” mode,when with your old parents on vacation. #100happydays ^(http://rangmarathiche.com/goto/https://www.facebook.com/hashtag/100happydays)

४६)Happiness is:- बाइक वर पावसात भिजणे आणि मग ओले कपडे अंगावर सुके पर्यंत वागवत गरम गरम भजी आणि चहा… #100happydays ^(http://rangmarathiche.com/goto/https://www.facebook.com/hashtag/100happydays)

४७)Happiness is :- Plan to purchase some thing , and spend hours in scanning on line advertisements #100happydays ^(http://rangmarathiche.com/goto/https://www.facebook.com/hashtag/100happydays)

४८)Happiness is:- chocolates chocolates and chocolates! #100happydays ^(http://rangmarathiche.com/goto/https://www.facebook.com/hashtag/100happydays)

४९)Happiness is :- Returning to mumbai and sweating like a pig in local train#100happydays ^(http://rangmarathiche.com/goto/https://www.facebook.com/hashtag/100happydays)

५०)Happines is :- Completing first 50 Happy days #100happydays ^(http://rangmarathiche.com/goto/https://www.facebook.com/hashtag/100happydays)

५१)Happiness is:- competition of zillions of formalities and completing the long pending work.#100happydays ^(http://rangmarathiche.com/goto/https://www.facebook.com/hashtag/100happydays)

५२)Happiness is :- catching a peeping Tom &make him understand that you are aware of his activities ..  #100happydays ^(http://rangmarathiche.com/goto/https://www.facebook.com/hashtag/100happydays)

५३)HAppiness is :- .. pillow talks.. #100happydays ^(http://rangmarathiche.com/goto/https://www.facebook.com/hashtag/100happydays)

५४)Happiness is :- Taking a crucial financial decision which was pending since long. #100happydays ^(http://rangmarathiche.com/goto/https://www.facebook.com/hashtag/100happydays)

५५)Happiness is:- Believing in”अच्छे दिन आने वाले है” #100hqppydays ^(http://rangmarathiche.com/goto/https://www.facebook.com/hashtag/100hqppydays)

५६)Happiness is :-Visiting daughter in her office .#100happydays ^(http://rangmarathiche.com/goto/https://www.facebook.com/hashtag/100happydays)

५७)Happiness is :- Night out with Gang #100happydays ^(http://rangmarathiche.com/goto/https://www.facebook.com/hashtag/100happydays)

५८)Happiness is:- Privacy  #100happydays ^(http://rangmarathiche.com/goto/https://www.facebook.com/hashtag/100happydays)

५९)