सारेगमप चा समारोप आणि कार्तिकी चा विजय

Written by  on October 25, 2007

सारेगमप लिल चॅम्प्स विनर कार्तिकी…

lil2आता दोन दिवस झालेत.बराच धुराळा उडाला होता कार्तिकी जिंकली !तेंव्हा. आरोप प्रत्यारोपांच्या धुमश्चक्रिमधे तिच्या बिचारीच्या विजया कडे थोडं दुर्लक्षच झालं. नाही का??

आपण सगळे मॅचुअर्ड लोकं, कमीत कमी आपण ( मी स्वतःला रेफर करतोय ) तरी अशी कोती मनोवृत्ती दाखवायला नकॊ होती.कमीत कमी  आता तरी तिच्या आनंदात सहभागी होऊ..

हा लेख जो आहे, तो सगळ्या ब्लॉग्ज वर वाचलेल्या जंत्री ची गोळा बेरीज आहे. या मधे माझी मते आहेतच, पण सोबत , इतर लोकांची मते   पण कव्हर केले आहेत…

मला स्वतःला पण कार्तिकी पेक्षा आर्या व प्रथमेश जास्त आवडायचे. याचे कारण प्रथमेश आणि आर्याच्या गाण्यातला व्हर्सटाइलनेस. कार्तिकी च्या आवाजा मधे गझल आणि कव्वाली खूपच सुंदर वाटते , पण इतर गाण्यामधे तिचे लिमिटेशन्स आहेत ,असं मला तिची गाणी एम पी ३ वर ऐकल्यावर जाणवलं असंही मत काही लोकांच आहे..

कार्तिकी मधे एक स्पार्क आहे जो इतर कुठल्याही चॅम्प मधे नव्हता. तिने कुठेही प्रचलित नसलेली गाणी, की ज्या गाण्यांना तिच्याच वडिलांनी चाल लावलेली आहे अशी , म्हणून त्या वर “नी” मिळवला. अर्थात हे गाणं जे तिने गायलं ते आधी कुणिच गायलेलं नसल्यामुळे, मेझर स्केल नव्हती आणि तिच्या गाण्याला भर भरुन प्रतिसाद मिळाले.

या सगळ्या आरोप प्रत्यारोपांच्या फेरीत हे विसरुन चालणार नाही, की कार्तिकी ही पहिली अशी पार्टीसिपंट आहे की जिला पहिल्यांदा दोन “नी” मिळाले. हे एकच दर्शवते की तिच्या मधे स्पार्क हा इन बिल्ट आहे.

काही लोकांचं मत असंही दिसलं की, कार्तिकी, दिसायला फार ’क्युट’ नाही , म्हणून तिच्या पेक्षा आर्याला लोक प्रिफर करतात. परंतु, मला तसे वाटत नाही. या गाण्यांच्या जगात दिसण्यावर काही अवलंबून नसते. तसं असतं तर लता ताई किंवा आशा ताई कधीच लोकप्रिय झाल्या नसत्या.किंवा अनुराधा पौडवाल ह्या जास्त यशस्वी गायिका झाल्या असत्या. त्यांचं विश्व केवळ गुलशन कुमार ह्यांच्या टी सिरिज कॅसेट कंपनी भोवतीच फिरत होतं. ( त्यांचा उपमर्द करायचा नाही पण जे काही वाटतंय तेच लिहितोय)

कार्तिकीचे उच्चार हे अगदी शुद्ध नाहीत , तरी पण तिला झी टिव्ही ने “जिंकवले” असाही मत प्रवाह काही ठिकाणी लोकांच्या बोलण्यातून जाणवला. चांगलं गाणं ऐकतांना शुध्द उच्चार, स्वर, आणि ताल  ह्यांचे ज्ञान आवश्यक आहे. आणि कार्तिकीने  जी गाणी म्हटली त्यात तिने काहीही चुका केल्या नाहीत. तिचे चुकीचे उच्चार केवळ ती जेंव्हा बोलत होती तेंव्हाच लक्षात आले.  मी स्वतः तिची सगळी गाणी   जी गावाकडची नाहीत ती पण.. ऐकली ( उदा. दाटुन कंठ येतो,दिवस तुझे, दाटून कंठ येतो, केंव्हा तरी पहाटे, माझ्या मनी प्रियेच्या, माझ्या मनी प्रियेच्या,धुंदीत गंधित, सजल नयन, माझिया प्रियेला, मन शुद्ध तुझं, )वगैरे गाणी ऐकली, पण  मला कुठेही फारसा उच्चारांचा प्रॉब्लेम जाणवला नाही.

या कार्यक्रमा मुळे काही खेड्यात रहाणाऱ्या प्रथमेश सारख्या हिऱ्याचा शोध लागला हेच काय ते या कार्यक्रमाचे फलित.

कार्तिकी ची गाण्यातली इम्प्रुव्हमेंट ही प्रत्येक एपिसोड मधे थोडी थोडी इम्प्रुव्ह होत गेली. तिला पण आपल्याला काय “चांगलं ’ जमतं हे समजलं, आणि नंतर तिने मागे वळून पाहिलंच नाही. प्रत्येक एपिसोड ला केवळ अंतर्गत जज नव्हे तर पाहुणे जज यांनी पण तिचा पर्फॉर्मन्स वाखाणला. बरेचदा तिला बेस्ट पर्फॉर्मर ऑफ द एपिसोड चं प्राइझ मिळालं.

कार्तिकी चा आवाज हा अगदी मनातून निघालेला आणि ह्रदया पर्यंत पोहोचणारा वाटतो. तुम्ही गाणी जेंव्हा टीव्हीवर किंवा यु ट्युब वर पहाता, तेंव्हा स्वरा कडे तितकेसे लक्ष जात नाही, परंतु तुम्ही जेंव्हा तीच गाणी एम पी ३ वर डाउन लोड करुन ऐकता, तेंव्हा त्यातल्या लिमिटेशन्स एकदम समोर येतात. कार्तिकी च्या गाण्यात, फारशा चुका दिसून येत नाहीत,या उलट प्रथमेश च्या गाण्यामधे जिथे शब्द स ने संपतो तिथे उच्चाराचा प्रॉब्लेम स्पष्ट  दिसून येतो..

काही लोकांच्या मते ह्या स्पर्धा केवळ खेड्यापाड्यात टॅलंट आहे हे दाखवण्यासाठी भरवतात. पण जर, तसे असते, तर आरावली हे आळंदी पेक्षा ही लहान खेडं आहे. तेंव्हा ह्या नियमाने प्रथमेश चा नंबर यायला हवा होता.

या वर्षी ५० टक्के मते, जे आहेत ते जजेस ने दिले, म्हणजे समजा, एखाद्या पार्टीसिपंट ला जर जजेस ने ४५ टक्के मत दिले तर ती४५ टक्के मते ही डिसायडींग फॅक्टर होतात. मग एस एम एस चा फारसा इम्पॅक्ट झाला नाही. माझ्या मते पण हेच झालं असावं.जजेस नी दिलेल्या जास्त मार्कांमुळे कदाचित तिला लिव्हरेज मिळालं असावं… असो.

कदाचित… जर सगळ्या जजेस चं खरं असेल, तर- कार्तिकी पण भिमण्णा ज्या प्रमाणे धारवाड सारख्या लहानशा खेड्यात जन्म घेउन , राष्ट्रपतिभवना पर्यंत पोहोचले.. तशीच ती पण पोहोचेल…

असो.. आता ह्या वादावर हळु हळू पडदा पडणारच आहेच.. आता जे झालं ते झालं, त्यावर काथ्याकुट करुन काही फारसा फायदा होणार नाही. ती कार्तिकी पण लहानच आहे, म्हणजे हार्डली ९-१० वर्षाची पोर ती.. तिच्या आनंदात आपण सगळे सहभागी होऊ या…

लोकशाहीची मॉकरी

Written by  on October 15, 2007

210392_chidu4जर्नेल सिंग ह्या दैनिक जागरण च्या पत्रकाराने चिदंबरम ह्यांना जोडा फेकून मारला. ही झाली बातमी. इथे व्यक्ती विशेष म्हणून किंवा कॉंग्रेसच्या नेत्याला बुट मारला अशी ही बातमी नाही.  तर गृहमंत्र्याला जोडा मारला ही खरी  बातमी आहे आणि ती  जास्त महत्वाची वाटते.मी जरी कॉंग्रेसचा फॉलोअर नसलो तरिही मी दोन नेत्यांना मनापासुन मान देतो, ते म्हणजे मनमोहन सिंग आणि पिसी चिदंबरम. केवळ पंतप्रधान किंवा गृहमंत्री म्हणुनच नव्हे तर एक सुशिक्षित आणि हुशार असलेले नेते म्हणुन !

कोणी एक माथेफिरू गृहमंत्र्यावर जोडा फेकून मारतो, आणि तो गृहमंत्री ज्या रुलिंग पार्टीचा मेंबर आहे, ती त्या माणसावर काही कारवाई न करता त्याला सोडून देते ते सभ्यपणाचे लक्षण नाही आणि जर ज्याने हा गुन्हा केला तो सरळ सुटून जात असेल तर इट विल गिव्ह अ रॉंग मेसेज .

माझ्या मते त्या जर्नॅलिस्टला सरळ गजाआड घालणे जरूर आहे, परंतु , हाकेच्या अंतरावर असलेल्या इलेक्शन मुळे त्या समाजाची मतं जाउ नये म्हणून त्याच्यावर काहीच कारवाई न करता त्याला सोडून देण्याचा निर्णय कॉंग्रेसने घेतला.त्या माणसाच्या विरुध्द इव्हन पोलिस कम्प्लेंट पण करण्यात आलेली नाही.

१९८४ च्या दंगलीची चौकशी आत्ता पुर्ण झाली आणि त्या समितीच्या रिपोर्ट मधे जगदीश टायटलर 2103844_chidu4आणि सज्जन कुमार निर्दोष असल्याचे सांगण्यात आलेले आहे. हा रिपोर्ट आता सुप्रीम कोर्टापुढे ठेवण्यात येणार आहे, तो निर्णय मान्य करायचा की नाही , हे आता सुप्रीम कोर्टाच्या निर्णयावर अवलंबून आहे. मला वाटतं लोकशाहीचा इतक्या मोठ्या प्रमाणात दुरुपयोग /मॉकरी अजुन तरी दुसऱ्या कुठल्याही देशात केला गेला नसेल. २४ वर्ष एका रिपोर्ट साठी?? काय चेष्टा आहे का?  आता सुप्रीम कोर्ट किती वर्षं घेते निर्णय घ्यायला ते पण नक्की माहिती नाही….. डिलेड डिसिजन इज डिनाइड डिसिजन असे म्हणतात ते खोटे नाही.

एखाद्या निर्णयाला लागणारा वेळ आणि कायद्या मधिल पळवाटा ह्या इतक्या आहेत की, आजपर्यंत आपल्या पंतप्रधानांना मारणाऱ्या खुन्याला अजूनही शिक्षा दिल्या गेलेली नाही,एके ४७ बाळगणारा आणि पॅरोल वर बाहेर आलेला संजय दत्त आज नेता होण्याची स्वप्नं पहातोय, अफझल गुरु अजुनही तिहारमधे तुकडे तोडत बसलाय, मुंबई बॉंब स्फोटाचे आरोपी काही नॅचरल डेथ ने मेले तर काही अजुनही पॅरोल वर बाहेर आहेत, अबु सालेम, अशी कित्तेक उदाहरणे आहेत…   … लिहिलेली उदाहरणे केवळ   वानगीदाखल  .

लोकशाही मधे अशी घटना निंदनीय आहे. आणि ह्या माणसाने जोडा फेकून मारला म्हणुन त्या  शिरोमणी अकाल तख्ताने  दोन लाखाचे पारितोषिक पण  जाहीर केले हे  कितपत योग्य आहे? आज त्याने जोडा फेकून मारला, उद्या बॉंब पण फेकू शकतो. अशा प्रवृत्तींना ताबडतोब आळा घातला गेला पाहिजे.आज चिदंबरम आहेत, उद्या प्रतिभा ताई , मनमोहन, किंवा मोदी पण असू शकतात.

सरकारने न्यायदानाच्या साठी जर विलंब लावला तर अशाही  प्रतिक्रिया येउ शकतात हे आता नेत्यांना समजले पाहिजे..

सगळ्यात महत्वाची गोष्ट त्याने हे काम केले म्हणून जर्नेलसिंग ह्याला अकाली दल मान तर्फे लोकसभेचे तिकिट पण ऑफर करण्यात आलेले आहे.  ह्या माणसाला अमृतसर हुन तिकिट देण्याची ऑफर आहे.ह्या सिटवर भाजपा तर्फे नवजोत सिंग सिद्दु उभा रहाणार आहे.  तसेच नोकरी पण ऑफर करण्यात आली आहे.

स्त्री-पुरुष इक्वॅलिटी

Written by  on October 12, 2007

गेला आठवडा पुर्ण असाच गेला. पाकिस्तानातील टेररिस्ट ऍक्टीव्हिटीज, वरुण गांधी वर रासुका, मनेका आणि मायावती मधली रस्सीखेच…इतका तणावपुर्ण आठवडा गेल्यावर थोडी करमणूक आवश्यक आहे नाही का? म्हणून हे एक   पोस्ट  .

स्त्रियांची विशेषतः बायकोची मला खूप भीती वाटते.(का? असं काय आश्चर्याने पहाता?) आजकाल दिवसच असे आले आहेत ना , त्याला मी तरी  काय करणार 🙂 . इंग्लंडमधे पण स्त्री पुरुष समान ते बद्दल मोनार्की मधे काही तरी वाद सुरु आहेच. त्यामुळे आमच्या घरी पण जी काही थोडी फार कुरबुर सुरु असते त्याचं मला काहीच वाटत नाही..

रविवार सकाळी टीव्ही पहात बसलो होतो.रोज सकाळी   भाजी चिरलेली असली तर वेळ वाचतो, असं ती टिव्हीतली बाई म्हणाली. म्हणून  सहज सौ.ला म्हंटलं , अगं   रविवारी भाजी चिरुन ठेवशील तर तुलाच रोज सकाळी त्रास कमी होईल. माझा उद्देश चांगलाच होता,रोज सकाळी मी ७-१५ ला घरुन नि्घतो, धाकटी छोकरी पण   पण सकाळी ६-१५ ला शाळेत जाते. माझं ऐकुन  सौ. एकदम वैतागली .. तर मला म्हणते, म्हणजे काय? रोज सकाळी मेलं ५ वाजता उठावं लागतं, रविवारी पण मी लवकर उठून कामं च करत बसायचं  का?

आय जस्ट गॉट द मेसेज.. मी एखाद्या पाळीव नवऱ्या प्रमाणे  म्हंटलं ,की बरं ठीक आहे,  मी निवडून ठेवतो , आणि मेथीची जुडी घेउन बसलो टिव्ही समोर. १००टक्के संघ परिवारातिल असुन सुध्दा एन डी टि व्ही लावला आणि बरखाताईंची बाष्कळ वटवट ऐकणं सुरु केलं.संजय दत्तचा इंटर्व्ह्यु घेत होती ती. बरा टाइम पास होता.

थोड्या वेळात मेथी निवडून झाली. विचारलं अजुन काही आहे का निवडायचं? …अगदी साधं सरळ बोललं तरीही   गैरसमज करुन घ्यायची सवयच असते स्त्रियांना. …म्हंटलं अगं स्त्री पुरुष समानता हा मुद्दा आत्ता उचलला जातोय   ब्रिटिश मोनार्की मधे.. इथे सुरु व्हायला वेळ लागेल ना अजुन? (रागामधे असली की मग तिला विनोद पण कळत नाही..आणि मग अजूनच चिडते.

धोक्याची पातळी जवळ आली किंवा गोरा रंगं गुलाबी रंगावर गेला, नाकाचा शेंडा लाल झालेला दिसला , आपण समोर गेल्यावर पण आपल्या कडे दुर्लक्ष करुन नजर शून्यात लागलेली दिसली की मग मी मात्र हत्यार टाकुन सपशेल शरण जातो.बस्स! …शेवटी आपण काय शेपूट घालुन गप्प बसायचं किंवा मोरासारखा पिसारा काढून लक्ष वेधून घ्यायचा प्रयत्न करायचा . ( इथे पिसारा पक्षी नोटांचा पिसारा 🙂 )अशा प्रसंगातून बाहेर निघण्याचा एक साधा मार्ग म्हणजे सरळ संध्याकाळी शॉपिंगला घेउन जायचं.शॉपिंग झालं की बाहेर हॉटेलमधे जेवायला जायचं. काय करणार , रविवारच्या दिवशी भांडणं झाली की दिवस पार बोंबलतो.

हा एक फोटॊ बघा. मला फक्त हा फोटॊ आला होता. मी फक्त त्या फोटोला कॅप्शन टाकलं.

slide1

काय मग? पटलं की नाही? नक्कीच पटलं असेल. हा तर एक लहानसा प्रसंग आहे घरातला, असे प्रसंग कित्येकदा प्रत्येकच घरामधे येतात. म्हणतात ना पातेल्यातले वादळ पेल्यातच शांत होतं..
तुमच्या एक गोष्ट लक्षात आली आहे का? स्त्री असण्याचे फायदे भरपूर  आहेत..

ऑफिसमधे उशिरा गेलं तरीही बॉस काही बोलत नाही. असंही कुठेतरी वाचनात आलं आहे की सुंदर स्त्रियांना प्रमोशन्स लवकर दिली जातात ऍज कम्पेअर्ड टु देअर कलिग्स! ( हा तर मोठ्ठा पॉइंट ऑफ डिबेट आहे…. )खरं की खोटं ते मला माहिती नाही.. 🙂

स्त्री पुरुष समानते मुळे मुलींनी मुलासारखे जिन्स- टिशर्ट, किंवा ट्राउझर – शर्ट,  कपडे घातले तरीही चालतं आणि ते फॅशन च्या नावाखाली खपून जातं . पण , जेंव्हा हीच गोष्ट एखाद्या मुलाने केली तर त्याला सरळ मेंटल हॉस्पिटल मधे किंवा सायकिऍट्रीस्ट कडे नेले जाते.  .किती लिबर्टी असते बघा मुलींना.  खरं की नाही?

स्त्री पुरुष समानते  बद्दल बोलतोय आपण, पण बघा ना, तरी पण -बस मधे सिट्स आरक्षित, ट्रेन मधे बर्थ’स आरक्षित, प्रत्येक ठिकाणी वेगळी रांग, इतकं सगळं तर आहेच, पण ह्या व्यतिरिक्त, आता राजकारणातही ३३ टक्के रिझर्वेशन्स बद्दल बोललं जातंय..कुठे आहे जेंडर इक्वॅलिटी? मला तर दिसत नाही कुठे.. 🙂 बरं ठरावीक सिट्स स्त्रियांसाठी रिझर्व असून सुध्दा इतर सिटवर त्यांना बसणं आलाउड आहे. पण एखादा पुरुष जर स्त्रियांच्या सिट वर बसला तर मात्र त्याला लगेच उठवता येतं.

ऑफिस मधे उशिरा गेल्यावर बॉस कडे गेल्यावर थोडंसं हसलं आणि कित्ती कित्ती बसला गर्दी होती म्हंटलं की झालं

आजकाल एक नविन टुल हाती लागलंय स्त्रियांच्या. एखाद्या कलिगने सेक्स्युअली इम्प्रॉपर पिक्चर्स दाखवले , किंवा तसे ऍडव्हान्सेस केले, असा काही आरोप केला की झालं.   जरा त्या स्त्री चे इतर सगळे गुन्हे, म्हणजे कामावर लवकर ना येणं, कामं न करणं, इत्यादी इत्यादी माफ.. कोणाची आहे हिंम्मत काही बोलायची? पण मला वाटतं की भारतामधे ह्या कायद्याचा फारसा उपयोग करुन घेतला जात नाही.

जाता जाता सहज एक गोष्ट आठवली.. इथे देतोय, बघा आवडते कां ते….

एकदा काय झालं एकदा एका सिंहाची वरात जात होती. वराती मधे एक लहानसा उंदीर नाचत होता. लोकांना अगदी खुप आश्चर्य वाटलं . सिंहाच्या  लग्नात उंदीर का नाचतो  बरं?? शेवटी, जेंव्हा तो उंदीर थकून नाचायचं थांबला, तेंव्हा त्याला एका माणसाने विचारले, ’तू का नाचतोस सिंहाच्या लग्नात, तो सिंह म्हणजे जंगलाचा राजा आणि तू  उंदीर , तुला का इतका आनंद होतोय सिंहाच्या लग्नाचा?? तुझा काय संबंध?’ तर उंदीर  म्हणाला …..
तो सिंह माझा भाउ आहे.
तो कसा बुवा? तो सिंह आणि तू उंदीर…
तर उंदीर म्हणाला,  लग्नाच्या पूर्वी मी पण सींहच होतो रे….

म्हणून मी म्हणतो, आजच्या ह्या स्त्री प्रधान संस्कृती मधे पुरुषांकडे कोणाचेच लक्ष नाही, मी एक संघटना काढतोय, स्त्री पिडीत पुरुषांची.. मग काय जॉइन करणार नां??

इतकं काही वाईट वाटून घेउन नका, पुरुष असण्याचे पण खूप फायदे  वाचले आहेत कुठेतरी .त्यातलेच काही इथे लिहितोय. तुम्हाला वॉटर पार्क मधे शर्ट नं घालतां फिरता येते :).तुमची कार खराब झाली की बोनेटे उघडून आतल्या इंजिन ला काय झालं असेल त्या विषयी थोडंफार तरी कळतं. नट बोल्ट फिरवतांना तो कुठल्या दिशेला फिरवायचा याचा तुम्हाला उपजतच ज्ञान असतं.चेहेऱ्या वरच्या सुरकुत्यांची  किंवा गळणाऱ्या केसांची तुम्हाला फारशी काळजी नसते.तुम्हाला तुमचा मित्र जरी पार्टीला बोलवायचा विसरला तरीही तो तुमचा मित्र रहातो 🙂 .सगळ्यात महत्वाचे तुम्ही प्रेग्नंट होऊ शकत नाही. आठवड्याभराच्या सुटी करता दोन जिन्स ४ टी शर्ट्स पुरतात.तुम्हाला उंचावरचा डबा, काढता येतो.  कुठलाही जार, जामची बाटली उघडता येते. औषधाच्या बाटलीचे ते पत्र्याचं सिल तोडुन तिथे ड्रॉपर बसवता येतं.एक बूटांचा जोड, एक बेल्ट आणि एक पाकीट तुम्हाला वर्षभर पुरतं- फार तर एखादा स्निकर एक्स्ट्रॉ असला तरी तुम्ही आनंदी असता.तुम्हाला आपली कंबरेचे माप वाढले का  म्हणून फार विचार करण्याची जरुरी नसते.डोळ्याखालच्या सुरुकुत्या तुम्हाला विचलित करित नाहीत.

शनिवारची  लोकसत्ता चतुरंग पुरवणी  वाचलित कां? समानतेच्या वाटेवरिल पाउल खुणा म्हणून एक लेख आहे स्त्री पुरुष समानतेवर. आणि त्यामधे बऱ्याच लोकांनी आपण कसे जेंडर इक्वॅलिटी साठी कसे प्रयत्न केलेत ते दिलंय.मस्त करमणूक आहे.. जेंडर इक्वॅलिटीवरच्या कल्पना वाचून माझी तर हसून हसून पुरेवाट झाली.. इथे वाचा ^(http://rangmarathiche.com/goto/http://loksatta.com/daily/20090404/ch01.htm)

एक म्हणतो, बायको नोकरी करते म्हणून मी घरी बसून घर सांभाळतो, दुसरा एक म्हणतो, की बायकोने मंगळसुत्र किंवा कुंकू लावू नये अशी अट घातली होती लग्ना पुर्वीच, आणि बायकोच्या मागे स्कुटीवर बसतो .   मुलांवर कुठलेही धार्मिक संस्कार करित नाही, आणि बायकोला नोकरी सोडायला लावली कौटूंबीक अडचणीमुळे. एक मत असंही आहे, मुलाच्या लग्नात हुंडा घेतला नाही.. ( कसा घेणार कायद्याने गुन्हा आहे तो) आणि लग्नाचा खर्च अर्धा वाटून घेतला.सहावे मत असेही आहे, की मी नवऱ्याला ट्रेंड केला घरकामात मदत करायला.. म्हणजे भांडी मी घासते, नवरा, मुलं  विसळतात….

इन शॉर्ट , घरची कामं करणं, भांडी धुणं , कपडे पिळणे, बायकांनी कुंकु किंवा मंगळसूत्र न घालणे, धार्मिक संस्कार मुलांवर न करणं, म्हणजे स्त्री पुरुष समानता ‘ अशी व्याख्या करता येइल त्या लेखावरून. बौद्धिक दिवाळखोरीचा लेख आहे तो….लोकसत्ता कडून इतक्या चीप लेखाची अपेक्षा नव्हती. पण माझ्या सौ. ला तो लेख खूप आवडला बरं का..असो.